Santiago, 5 de outubro de 2010.- O conselleiro de Presidencia, Administracións Públicas e Xustiza, Alfonso Rueda, reuniuse cos representantes de colexios profesionais de Galicia para abordar a implantación da directiva de servizos na nosa Comunidade Autónoma.

Neste sentido, o conselleiro analizou cos presentes as consecuencias do Real Decreto 1000/2010, do 5 de agosto, sobre visado colexial obrigatorio, que foi aprobado recentemente polo Goberno central.

 Así mesmo, Rueda manifestou a intención do seu departamento de coordinar aos colexios profesionais, a través da Unión Profesional de Galicia (UPG), para intercambiar opinións e puntos en común respecto á normativa sobre colexiación obrigatoria que o Estado ten pendente de aprobar

 Fuente: Consellería de Presidencia