Nota de prensa sobre as Xornadas “Avaliación e defensa da base psicopatolóxica da imputabilidade”, que se celebran mañá, 13 de decembro, en Santiago de Compostela.

Más información:  Documento adjunto
 

2 de decembro de 2014
Entre o 4 e o 5 de decembro Jesús Vilar visitará as tres Universidades galegas, onde se realizarán diferentes actos para debater sobre a ética profesional na Educación Social e presentar o libro “Cuestiones éticas de la Educación Social.  Del compromiso político a la responsabilidad en la práctica profesional”.

O Colexio de Educadoras e Educadores Sociais de Galicia está a traballar na posta en marcha da súa Comisión de ética e benestar profesional, motivo polo cal decidiu organizar a visita de Jesús Vilar a Galicia.  O Ceesg conta coa colaboración das Facultades de Ciencias da Educación das Universidades de A Coruña, Santiago e Vigo para desenvolver os actos que se describen a continuación.

O xoves 4 de decembro participará como membro do tribunal dunha tese doutoral sobre Intervención socioeducativa con menores en protección. Terá lugar ás 11:30 no Salón de Graos “Vicente Risco", no 4º andar do Edificio de Ferro na Facultade de Ciencias da Educación do Campus de Ourense. O autor da tese é o educador social Xesús Deibe Fernández Simo.

Leer más...

Un seminario do COPG analiza as consecuencias psicolóxicas que poden padecer as vítimas de desastres.

Santiago de Compostela, 27 de novembro de 2014.- O Colexio Oficial de Psicoloxía de Galicia programa para a tarde do 28 de novembro o seminario “Consecuencias psicolóxicas en vítimas de desastres”. Trátase dunha actividade formativa destinada a profesionais da psicoloxía, que será impartida por María Paz García Vera, catedrática do Departamento de Psicoloxía Clínica da
Universidad Complutense de Madrid (UCM).

 Ver nota de prensa completa

Co gallo do Día Internacional da Eliminación da Violencia contra a Muller, que se celebra mañá martes, 25 de novembro

Máis información:  Arquivo adxunto
 

O xoves 13 de novembro ás 18:45 horas celebrarase o acto de entrega de premios do concurso fotográfico Olladas dende a Educación Social. O evento desenvolverase no Salón de Actos da Facultade de Ciencias da Educación da Universidade da Coruña.

O concurso xurdiu como iniciativa das dinamizadoras do Punto de Información Colexial (PIC) do Colexio de Educadoras e Educadores Sociais de Galicia (Ceesg). A intención desta actividade é inmortalizar en imaxes a mirada socioeducativa da vida cotiá e da contorna que nos rodea. Trátase de retratar as utopías, ilusións, inquedanzas, preocupacións, denuncias..., de capturar imaxes que provoquen o debate e a reflexión crítica, fomentando a construción dun discurso conciliador por un mundo máis xusto, no que cada quen temos moito que aportar. Miradas non só desde a Educación Social, senón tamén da Educación Social, evidenciando as realidades onde está presente a nosa profesión e tamén outras nas que pode estar nun futuro non tan afastado.

No concurso establecéronse tres categorías distintas: estudantado, profesorado e PAS de Educación Social da Universidade da Coruña. Haberá un premio e dúas mencións especiais por categoría. O fallo do xurado farase público na entrega de premios, por correo electrónico aos/as participantes e na páxina web do Ceesg.

As fotografías que participaron no concurso poderanse ver nos vindeiros días na Facultade de Ciencias da Educación da Universidade da Coruña.

O PIC da Universidade da Coruña comezou a súa andaina a finais do curso 2012-2013 co obxectivo de crear un vínculo entre o estudantado e o Colexio de Educadoras e Educadores Sociais de Galicia.

Contacto:
Ceesg | Tlf. 981.552.206 | Esta dirección electrónica esta protegida contra spam bots. Necesita activar JavaScript para visualizarla