Noticias de Interés General

Unha rede de 118 terapeutas ofrece asistencia psicolóxica en Galicia a vítimas de violencia de xénero e agresores


Un total de 118 psicólogos e psicólogas asistirán este sábado 14 á xornada de formación interna dos programas de atención psicolóxica en materia de violencia de xénero que ofrece o Colexio Oficial de Psicoloxía de Galicia. Estas e estes profesionais forman parte do Programa de Atención Psicolóxica a Mulleres que Sofren Violencia de Xénero e o Programa Abramos o Círculo, dous servizos especializados que se xestionan en convenio coa Vicepresidencia da Xunta de Galicia e que ofrecen unha asistencia psicolóxica especializada no ámbito da violencia de xénero tanto a vítimas como a homes que desexen mudar a súa conduta.

Na xornada de formación continua deste sábado búscase continuar traballando na especialización destas psicólogas e psicólogos, analizando os recursos dispoñibles e compartindo as propias experiencias. O Centro de Recuperación Integral para Mulleres Vítimas de Violencia de Xénero (CRI) é un dos novos recursos na Comunidade, posto en marcha en 2014, e para ofrecer información de primeira man sobre o seu funcionamento participarán Begoña Riveira Barros, directora do CRI, e Beatriz Andrés Alonso, psicóloga do centro. O marco normativo e lexislativo tamén será obxecto de análise na sesión da man da Fiscal de Violencia de Xénero en Santiago de Compostela, Pilar Fernández Pérez, que reflexionará sobre o contexto e a súa aplicación.

Leer más...

O Movemento Galego da Saúde Mental alerta do significativo incremento do suicidio en Galicia


Os casos de suicidios ascende a 390 en 2014, segundo os datos propios do MGSM.

O Movemento denuncia a falta de transparencia na información por parte das autoridades públicas.

Asocian este preocupante incremento á inacción das autoridades sanitarias.

O Movemento Galego da Saúde Mental presentou esta tarde en Santiago de Compostela a súa valoración sobre o que considera como alarmante incremento da taxa de suicidio en Galicia. Baseándose nos propios datos que manexa, estímase que a taxa chegou en 2014 a 14 casos de suicidio por cada cen mil habitantes, unha cifra 2 puntos superior á de 2013 (12,03 por cada cen mil habitantes en Galicia fronte ao 8,3 no conxunto do Estado).

Segundo o portavoz do MGSM, Miguel Anxo García Álvarez, este espectacular incremento que se vén producindo desde o comezo da crise, garda relación directa coas consecuencias da crise. “A crise creou as condicións de risco, un risco xa avisado pola Organización Mundial da Saúde, que sinalara as accións para amortecelas. A ausencia de acción do Goberno é o que nos leva a esta situación”. En canto á responsabilidade administrativa, o MGSM amosouse tallante: “un goberno sanitario debe darse por fracasado se no seu mandato as previsións realizadas por un organismo como a OMS se cumpren con danos á poboación”.

Leer más...

Las separaciones cordiales

La cordial separación de los López

297 juzgados españoles impulsan la mediación para que las parejas lleguen a acuerdos en separaciones y divorcios. La práctica ha aumentado casi un 70%.

Ver el artículo: http://politica.elpais.com

Fuente: www.elpais.com
Fecha: 10 de marzo 2015
 

 

Profesionais da psicoloxía revisan a incidencia das emocións propias e alleas no seu traballo


El sábado 7 de marzo celebrouse no Colexio Oficial de Psicoloxía de Galicia unha xornada sobre a práctica da psicoloxía no ámbito da intervención social. Este encontro profesional centrouse en dous aspectos: por unha banda, o código ético e, pola outra, as emocións que se manifestan no exercicio profesional tanto por parte do psicólogo ou psicóloga como da persoa atendida. Estes dous factores teñen unha forte influencia na actividade da psicoloxía e require coñecelos ben para evitar as súas interferencias no día a día.

No caso da xestión das emocións, as relatoras Mª Leonor Galiana e Mª del Carmen Patiño, reflexionaron sobre como un adecuado manexo pode influír na mellora da práctica profesional. Así, incidiron no recoñecemento e na análise dos estados emocionais propios do psicólogo ou psicóloga, ademais dos da persoa que está a ser atendida, xa que ambos os dous son factores incidentes na práctica profesional. Tanto Galiana como Patiño son psicólogas da Sección de Intervención Social e membros do Grupo de Intervención Psicolóxica en Catástrofes e Emerxencias (GIPCE) do COPG.

Leer más...

O COPG reivindica as achegas da Psicoloxía Educativa como un camiño para a igualdade no Día Internacional da Muller


O Colexio Oficial de Psicoloxía de Galicia lembra neste Día Internacional da Muller a importancia da Psicoloxía Educativa como ferramenta para traballar os valores de igualdade na infancia e na adolescencia. A presenza destas e destes profesionais nos centros educativos é unha antiga reivindicación que cobra vixencia ante os datos extraídos en recentes estudos sobre a mocidade que nos indican que malia terse suavizado algunhas discriminacións sexistas, aínda queda un longo camiño por percorrer en materia de igualdade de xénero.

Este 2015 arrincaba cun estudo do CIS que deitaba datos tan preocupantes coma estes: un de cada tres mozos/as do conxunto do Estado (entre 15 e 29 anos) considera normal controlar a súa parella en canto a horarios, relacións con amizades ou familia; un control que se estende a temas como os estudos ou o traballo e que chega incluso a dicirlle o que pode ou non facer. Ademais, a súa percepción das desigualdades de xénero é menor que entre o resto da poboación. En cambio, si que existe un maior rexeitamento á violencia de xénero, e sete de cada dez mozas manifesta como unha actitude inaceptable o control da vida da parella. Isto indícanos un descoñecemento e unha normalización de comportamentos que non deben ser aceptados e que nos conducen a un contexto na que a violencia de xénero se xustifica e se tolera.  

Leer más...

O Colexio de Xestores Administrativos e a Xunta analizan posibles vías de colaboración entre ambas entidades


O vicepresidente da Xunta, Alfonso Rueda e a presidenta do Colexio Oficial de Xestores Administrativos de Galicia, Pilar Otero Moar, mantiveron hoxe unha xuntanza onde abordaron posibles vías de colaboración entre ambas entidades. No encontro tamén estivo a directora de Avaliación e Reforma Administrativa, Natalia Prieto.

vicepresidenta
O vicepresidente da Xunta, Alfonso Rueda e a presidenta do Colexio Oficial de Xestores Administrativos de Galicia, Pilar Otero Moar


A xuntanza de hoxe ten coma obxectivo tender pontes entre ambas institucións e identificar proxectos de interese para ambas partes co obxectivo principal de acadar unha administración mais áxil, eficiente e próxima nas súas relacións coa cidadanía.

Leer más...

Más artículos...

Contacto Unión Profesional de Galicia

Sede Social

Rúa do Banquete de Conxo, 6
15706 Santiago de Compostela
http://www.unionprofesionaldegalicia.org

Cómo llegar
Ver plano

Secretaría Técnica
Tel.  600 766 276
secretaria@unionprofesionaldegalicia.org

 

Gabinete de Prensa
Tel. 679 486 961
prensa@unionprofesionaldegalicia.org

 

Últimos documentos